थौं विश्व धुम्रपान रहित दिवस
विश्व स्वास्थ्य संग्ठनपाखें क्वःछिनातः कथं थौं मे ३१ तारिख कुन्हु हलिंन्यंक विश्व धुमपान रहित दिवस हनाच्वंगु दु । नेपालय् नं थीथी जनचेतना मुलक ज्याझ्वः यानाः थुगु देय् हनाच्वंगु दु । नेपाल स्वास्थ्य व जनसंख्या मन्त्रालय नापं धुम्रपान विरुद्धया अभियानया निंतिं ज्या यानाच्वंगु थीथी संघ संस्थां सूर्तिजन्य पदार्थं लाकीगु नकारात्मक लिच्वया बारे जनचेतना मुलक ज्याझ्वः यानाच्वंगु दु ।
सन् २००३य् विश्व स्वास्थ्य संगठनं धुमपान नियन्त्रण यायेत अन्तर्राष्ट्रिय महासन्धी पारित याःगु खः । उगु महासन्धीयात नेपा: सहित १सय ७२ देसं अनुमोदन याःगु खः ।
छगू तथ्यांक कथं धुम्रपान व सुर्तिजन्य पदार्थया हुनिं हलिन्यंक ५०लख मनूत सीगु यानाच्वंगु दु । करिब ३०प्रतिशत जनसंख्या धुम्रपानं प्रभावित नेपालय् नं हरेक दँ झिंखुद्वः मनूत सीगु यानाच्वंगु दु ।
