माधव नेपाल प्रधानमन्त्री जुइगु प्राय निश्चित
एमालेया वरिष्ठ नेता माधवकुमार नेपाल न्हुम्ह प्रधानमन्त्री जुइगु प्राय निश्चित जूगु दु । एमालेया नेतृत्वय् न्हूगु सरकार गठन यायेत लगेजुयाच्वंगु प्रमुख दलया नेतातय्सं नीनिगू दलया स्वसः व न्य्यम्ह सभासदतय् हस्ताक्षर सभामुख सुवास नेम्वाङयात लःल्हायेवं नेता नेपाल न्हूम्ह प्रधानमन्त्री जुइगु निश्चित प्राय जूगु दु ।
कांग्रेस, एमाले, मधेशी जनअधिकार फोरम, तराई-मधेश लोकतान्त्रि पार्टी लगायत नीनिगू दलया स्वसः व न्य्यम्ह सभासदय् हस्ताक्षर आइतवाः सभामुख नेम्वाङयात लःल्हाःगु खः ।
फोरमं आधिकारिक रुपं नेपालया नेतृत्वय् सरकारय् ब्वति कायायेगु निर्णय यासां फोरम नेता विजयकुमार गच्छेदारं संसदीय दलया बहुमया निर्णय धासें स्वीनिम्ह सभासदतय् जक हस्ताक्षर लःल्हाःगु खः ।
कांग्रेस वरिष्ठ नेता शेरबहादुर देउवा, एमाले अध्यक्ष झलनाथ खनाल, फोरमया सह-अध्यक्ष जुयप्रकास गुप्ता, नेता विजय कुमार गच्छेदार लगायत नेतात नेपालयात प्रधानमन्त्री नियुक्त यायेत मुंकूगु हस्ताक्षर पौ सभामुखयात लःल्हायेत वंगु खः ।
