सहमतिया न्यागू बुँदा
येँ (सन्ध्या टाइम्स)/एकीकृत माओवादीया अध्यक्ष प्रचण्ड, नेपाली कांग्रेसया सभापति सुशील कोइराला व एमालेया अध्यक्ष नापं प्रधानमन्त्री झलनाथ खनालया दथुइ म्हिगः न्यागू बुँदाया छगू सहमति जुइधुंकाः तिनि संविधानसभाया म्याद थपे यायेगु सम्भव जूगु खः। वय्कःपिनि दथुइ जूगु सहमति थथे दु:
१) स्वलाया दुने शान्ति प्रकृयाया मूलभूत ज्या क्वचायेकेगु । २) स्वलाया दुने संविधानसभापाखें संविधानया न्हापांगु मस्यौदा तयार यायेगु ।
३) नेपाली सेनायात समावेशी दयेकेगु नापं मधेसी मोर्चालिसे न्हापा जूगु सहमतियात प्रभावकारी रुपं कार्यान्वयन यायेगु । ४) संविधानसभाया म्याद स्वला थपे यायेगु ।
५) राष्ट्रिय सहमतिया संयुक्त सरकार गठनया नितिं प्रधानमन्त्रीं राजीनामा यानाः लँपु चायेकेगु ।
