थौं देय्न्यंकं प्यक्वःगु गणतन्त्र दिवस

येँ (सन्ध्या टाइम्स)/थौं गणतन्त्र दिसस। संविधानसभां राजतन्त्र अन्त्य यानाः गणतन्त्र घोषणा याःगु दिं कथं दँय्दसं थौं गणतन्त्र दिवस हना वयाच्वंगु दु। थौं थ्व दिवस येँ नापं देय्न्यंकं थीथी ज्याझ्वः यानाः हनाच्वंगु दु। थौं सैनिक मञ्चय् विशेष समारोह याःगु दु। राष्ट्रपति डा. रामवरण यादव, उपराष्ट्रपति परमानन्द झा, प्रधानमन्त्री झलनाथ खनालं नं भिंतुना सन्देश बियादीगु दु ।