मधेशी मोर्चां संविधानसभापाखें पिहांवनेगु ख्याच्वः
संयुक्त लोकतान्त्रिक मधेशी मोर्चां थःपिंनाप सहमति मयासें संविधानसभाया म्याद थप याःसा संविधानसभां पिहांवनेगु ख्याच्वः बिउगु दु । 'झित बाइपास याःसा संविधानसभां पिहांवनेगु जुइ', मोर्चानाप नकतिनि आवद्ध जूगु मधेशी जनअधिकार फोरम गणतान्त्रिकया नायः जयप्रकासप्रसाद गुप्तां धयादिल ।
संविधानसभाया म्याद थप यायेगु बारे माओवादी व कांग्रेसनाप याःगु निगू पक्षीय वार्ता लिपा मधेशी मोर्चा आवद्ध न्यागूलिं दलया शीर्ष नेतातय्सं संविधानसभा भवन दुने हे पत्रकारतनाप खँल्हाबंला यासें थज्याःगु ख्याच्वः बिउगु खः । न्हय्छम्ह सभासद्त दुगु मोर्चां निगू पक्षीय वार्ताया झ्वलय् थःपिनिगु थीथी माग सम्बोधन मयायेकं संविधानसभाया म्याद थपया पक्षय् मतदान मयायेगु धाःगु दु ।
मोर्चां संविधानसभाया म्याद थपया निंतिं झिद्वः मधेशीतय्त सुरक्षा निकायलय् समायोजन यायेमाःगु, माओवादीया लडाकु समायोजन जुइपिनि ल्याः न्याद्वः जक जुइमाःगु, सेनायात लोकतान्त्रिकरण व समावेशी दयेकेमाःगु, स्वायत्त मधेश प्रदेश सहितया लोकतान्त्रिक संविधानया ग्यारेण्टी जुइमाःगु व प्रधानमन्त्री झलनाथ खनालं राजीनमा बीमाःगु सर्त तःगु दु ।
News Location:
