नेमकिपां म्याद थपया पक्षय् मतदान याइगु

नेपाल मजदुर किसान पार्टीं संविधानसभाया म्याद थपया पक्षय् मतदान यायेगु निर्णय याःगु दु । शनिवाः च्वंगु नेमकिपाया केन्द्रीय सचिवालयया मुँज्यां संविधानसभाया म्याद थप यायेगु पक्षय् मतदान यायेगु निर्णय याःगु खः ।

नेमकिपाया नायः नारयणमान विजुक्छेया अध्यक्षताय् च्वंगु मुँज्या लिपा पार्टी छ्याञ्जे सुनिल प्रजापितं छगू विज्ञप्ति पिथना संविधानसभाया म्याद थप मयासाः देय् गम्भीर अवस्थाय् थ्यनीगु खँ न्ह्यथनातःगु दु । 'शान्ति प्रक्रियायात क्वचायेकेत व संविधान निर्माण यायेत नेमकिपा म्याद थप यायेगु निर्णयय् थ्यंगु दु' विज्ञप्तिइ धयातःगु दु ।