माओवादीं ल्वाभः लःमल्हायेगु निर्णय
Posted on Sat May 28, 2011 12:43 pm NST
नेपाली कांग्रेसं संविधानसभाया म्याद थपया निंतिं ल्वाभः लःल्हायेमाःगु धकाः न्ह्यब्वयःगु सर्तयात एनेकपा (माओवादीं) अस्वीकार याइगु जूगु दु ।
माओवादी नायः पुष्पकमल दाहाल 'प्रचण्ड'या न्हू बजारस्थित छेँय् थौं सुथय् च्वंगु पार्टी स्थायी समितिया मुँज्यां तत्काल ल्वाभः लःमल्हायेगु निर्णय याःगु खः । माओवादीं शान्ति प्रक्रियाय् न्ह्यथनातः कथं जक थपिंसं ल्वाभः लःल्हायेगु निर्णय याःगु खः ।
'मुँज्यां ल्वाभः लःल्हायेगु ज्या शान्ति प्रक्रिया कथं न्ह्याकेगु निर्णय यात' प्रवक्ता दिनानाथ शर्मां धयादिल, 'स्वंगू दलया मुँज्याय् माओवादीं कयाच्वंगु अडान पाय्छि जूगुलिं अझ नं वहे अडान कायम जुइ ।'
कांग्रेसं धाःसा माओवादीं ल्वाभः लःल्हायेगु विषयलय् सहमति मयायेकं संविधानसभाया म्याद थप यायेमफइगु खँ धयाच्वंगु दु ।
News Location:
