प्रधानमन्त्रीपाखें राष्ट्रपतियात ब्रिफिङ
Posted on Sat May 28, 2011 12:42 pm NST
प्रधानमन्त्री झलनाथ खनालं राष्ट्रपति डा. रामवरण यादवयात राजनीतिक दलतय्सं सहमतिया निंतिं यानाच्वंगु कुतःया बारे ब्रिफिङ यानादीगु दु ।
संविधानसभाया म्याद क्वचाइगु लिप्पांगु न्हि राष्ट्रपति भवन शितल निवास थ्यंकाः प्रधानमन्त्री खनालं अझ नं सहमतिया कुतः जुयाच्वंगु धयादिसें अन्तिम इलय् वयाः दलत दथुइ सहमति जुइगु विश्वास प्वंकादीगु खः ।
तर वय्कपिं दथुइ यदि संविधानसभाया म्याद थप मजूसाः वयाः विकल्प छु जुइ धइगु बारे नं सहलह जूगु खः । उगु इलय् राष्ट्रपति यादवं देय् अत्यन्त गम्भीर मोडय् दुगुलिं राजनीतक दलतय्त समझदारीपूर्वक निर्णय यायेत इनाप यानादीगु खः ।
News Location:
