फोरमं एमालेयात समर्थन‍

सरकार निर्माणया निंतिं एमाले नेतृत्वया गठबन्धनयात मधेशी जनअधिकार फोरमं समर्थन याःगु दु ।

एमाले अध्यक्ष झलनाथ खनालं संयुक्त लोकतान्त्रि मधेशी मोर्चा नाप जूगु च्यागू बुँदे सहमति कार्यान्वयनया लिखित प्रतिबद्धता प्वंकेवं फोरमं समर्थन याःगु खः । एमाले पार्टी ज्याकू बल्खुइ फोरमया अध्यक्ष उपेन्द्र यादवयात एमाले अध्यक्ष खनालं लिखित प्रतिबद्धता लःल्हाःगु खः ।

लिखित प्रतिबद्धता यायेवं फोरमं नं पार्टीइ सहलह यानाः एमाले नेतृत्वया सरकारयात समर्थन यायेगु पौ छ्वःगु खः । फोरमया पौ सह अध्यक्ष जयप्रकाश गुप्तां एमाले नेतृत्वया लःल्हाःगु खः । एमालें मधेशया मागय् सकारात्म जुया लिखित प्रतिबद्धता प्वंकूगुलिं फोरमं नं लिखित रुपं हे समर्थन याःगु खँ फोरम सह अध्यक्ष गुप्तां धयादिल ।