संसदया मुँज्या कन्हय् तकया निंतिं स्थगित
Posted on Fri May 27, 2011 4:24 pm NST
विपक्षी दलतय् अवरोधया हुनिं थौं च्वंगु संसदया मुँज्या नं नियमित कार्यसूचीइ प्रवेश मयायेकं स्थगित जूगु दु । सरकारं राष्ट्रिय सहमति बिना संविधानसभाया म्याद थप यायेगु प्रस्ताव दर्ता याःगु धासें उगु प्रस्ताव संसदय् न्ह्यब्वयेत विपक्षी दलतय्सं अवरोध थंगु खः ।
व्यवस्थापिका संसदया मुँज्या सुरु जुइवं नेपाली कांग्रेस लगायत चिचीधंगु दलया सभासद्त थःथःगु थासय् दना नियमित कार्यसञ्चालनय् अवरोध याःगु खः । उगु अवरोध लिपा सभामुख सुभाषचन्द्र नेम्वाङं संसदया मुँज्या कन्हय् सुथय् ८बजे तकया निंतिं स्थगित यानादीगु खः ।
कन्हय् संविधानसभाया म्याद क्वचाइगु लिप्पांगु न्हि जूगुलिं संविधानसभाया म्याद थप जुइ वा मजुइगु खँ कन्हय् च्वनीगु संसदया मुँज्यां हे क्वःछिइगु जूगु दु ।
News Location:
