रेलय् बम विष्फोट जुया झिंन्याम्ह घाःपाः

जनकपुर-जयनगर चलेजुइगु रेलय् आइतवाः सुथय् विष्फोट जुयाः झिंन्याम्ह घाःपाः जूगु दु । जयनगरं जनकपुरय् वयेगु ईलय् रेलय् विष्फोटय् जूगु खँ जिल्ला प्रहरी ज्याकू धनुषां धाःगु दु । प्रहरी आः घटनस्थलय् वनाः छानबिन न्ह्याकूगु दु ।

विष्फोटया जिम्मा तराई मुक्ति मोर्चाया सेना इन्चार्ज पृथ्विं काःगु दु । स्थानिय संचार माध्यम यात फोन यानाः घटनाया जिम्मां मोर्चां काःगु खः ।