थौं सुरक्षा समितिया बैठक

येँ (सन्ध्या टाइम्स)/ संविधान सभाया म्याद थपया सवालय् मूमू दलतय् दथुइ सहमति जुइ मफयाच्वंगु इलय् ब्वलनेफुगु सुरक्षा चुनौतियात कयाः सहलह ब्याकाः न्हूगु सुरक्षा नीति दयेकेत थौं सुरक्षा समितिया बैठक च्वनीगु जूगु दु ।

न्हियान्हिथं बन्द हडताल नापं विरोध प्रदर्शनत जुयाच्वंगु अवस्थाय् छु गज्वःगु कथं सुरक्षा नीति लागू यायेगु धइगु खँय् सहलह ब्याकेत थौं थ्व मुँज्या च्वनेत्यंगु खः। सनिलय् सिंहदरवारय् गृहमन्त्री कृष्णबहादुर महराया अध्यक्षताय् जनपद प्रहरी, सशस्त्र प्रहरी व सेनाया प्रतिनिधि दुथ्याकाः बैठक च्वनेत्यंगु खः ।