सहमति बिना संविधान निमार्ण असम्भव : खनाल
नेकपा (एमाले)या अध्यक्ष झलनाथ खनालं प्रमुख दलतय् सहमति बिना संविधान निमार्ण यायेगु ज्या असम्भव जूगु खँ धयादीगु दु ।
झिंखुक्वःगु मदन आश्रृत स्मृति दिवसया लसताय् पार्टी केन्द्रीय ज्याकू बल्खुइ जूगु ज्याझ्वलय् न्ववायेगु झ्वलय् वयेकलं प्रमुख दलतय् सहमति विना शान्ति प्रकृया तार्किक निष्कषय् थ्यंकेमफइगु धासें प्रमुख दलतय् सहमति आः या आवश्यकता जूगु धयादिल । वयेकलं माओवादी, एमाले, कांग्रेस लगायत प्रमुख दलतय्सं सहमतिया राजनीति याना: मवंसाः संविधान निर्माण यायेगु ज्या ईलय् क्वचायेकेत थाकूइगु खँ धयादिल ।
अध्यक्ष खनालं माओवादीं सरकारं राजिनामा यायेवं आः सरकारया नेतृत्व यायेगु जिम्माः एमालेया ब्वलय् वःगुलिं थुकीया उपयोग यायेमाः धयादिल । वयेकलं मधेशी जनअधिकार फोरमं नं एमाले नेतृत्वय् गठन जुइगु सरकारयात समर्थन यायेगु आश्वासन ब्यूगुलिं एमाले नेतृत्वय् गठन जुइगु सरकार राष्ट्रिय सहमतिया जुइगु दावी यानादिल ।
