निन्हुया दुने सहमति या : राष्ट्रपति
येँ (सन्ध्या टाइम्स)/राष्ट्रपति डा. रामवरण यादवं निन्हुया दुने (जेठ १४ गते न्ह्यः हे) सहमति यायेत मूमू स्वंगू दलया शीर्ष नेतातय्त सुझाव बियादीगु दु ।
प्रधानमन्त्री एवं एमालेया अध्यक्ष झलनाथ खनाल, माओवादी अध्यक्ष प्रचण्ड व कांग्रेसया सभापति सुशील कोइरालायात राष्ट्रपति यादवं थौं सुथय् मंकाः कथं नापलासें अथे सुझाव बियादीगु खः। अथे हे मूमू स्वंगू दलया शीर्ष नेतातय्गु दथुइ नं थौं हे प्रधानमन्त्री निवास वालुवाटारय् बिस्कं बैठक च्वनीगु जूगु दु। म्हिगः च्वंगु स्वंगू दलया बैठकय् छुं हे सहमति मजूगुलिं सहमतिया नितिं स्वंगू दलया शीर्ष नेतातय्त हे जिम्मेवारी बिउगु खः ।
