निषेधित क्षेत्रय् वनेत स्वयेवं राप्रपा कार्यकर्ता व प्रहरी दथुइ ल्वापु

राप्रपा नेपालं संविधानसभा पिने याःगु प्रदर्शनया झ्वलय् निषेधित क्षेत्रय् वनेत स्वयेवं प्रदर्शनकारी व प्रहरी दथुइ ल्वापु जूगु दु । ल्वापुया हुनिं निम्ह प्रहरी व छम्ह प्रदर्शनकारीत घाःपाः जूगु दु । संविधानसभा विघटन लगायत न्हूगु जनादेशय् वनेमाःगु माग यासें राप्रपा नेपालं प्रदर्शन याःगु खः । निषेधित क्षेत्र धकाः पनातःगु ताराया जाली वांछ्वयेत स्वयेवं प्रहरीं प्रदर्शनकारीतय्त लाठीचार्ज याःगु खःसा प्रदर्शनकारीतय्सं प्रहरीं अप्पां कयेकूगु खः ।