लम्जुङय् बस दुर्घटना, निम्ह सित, झिंस्वम्ह घा:पा:

लम्जुङय् जूगु छगू बस दुर्घटनाय् निम्ह सीगु दुसाः झिंस्वह घाःपा: जूगु दु । थौं सुथय् ११बजे भूलभूलेपाखें येँ वयाच्वंगु ना. ३. ख. ६३९० नम्बरया बस उत्तरी लमजुङया चण्डीस्थानय् दुर्घटना जूगु खः । बस सतकं ५० मिटर क्वये मर्स्याङदी खुसिइ कुतुवंगु खः । दुर्घटनाया कारण धाःसा सिकेमफुनीगु खँ धाःगु दु ।

दुर्घटनाय् लानाः बस चालक २५दँया सञ्जय गुरुङ व प्यलाया मचा अर्पन लामा सीगु दु । अथेहे घाःपाः जूपिं झिंस्वम्ह मध्ये प्यम्हेसिया अवस्था गम्भीर जूगु खँ धाःगु दु । गम्भीर घाःपा जूपिंत पोखराय् यंकूगु दुसाः मेपिनि वासः जिल्ला सामुदायिक अस्पताल बेसीशहरय् जुयाच्वंगु दु ।