स्वंगू दलया शीर्ष बैठक गोकर्णय्
येँ (सन्ध्या टाइम्स)/संविधानसभाया मूमू स्वंगू दल माओवादी, कांग्रेस व एमालेया शीर्ष नेतातय् बैठक थौं गोकर्ण रिसोर्टय् च्वनेत्यंगु दु। नेपाली कांग्रेसं संविधानसभाया म्याद थप यायेगु निंतिं १० बुँदाया सर्त न्ह्यब्वःगु विषययात कयाः सहलह ब्याकेत थौं उगु बैठक च्वनेत्यंगु खः ।
थौं स्वंगू दलया शीर्ष नेतातय् दथुइ बैठक च्वने न्ह्यः थौं हे सुथय् माओवादी व एमालेया दथुइ ब्यागलं बैठक निं च्वंगु खँ सीदुगु दु ।
सहमतिया म्हिगः नं माओवादी व कांग्रेसया शीर्ष नेतातय्गु बैठक च्वंगु खःसां निगुलिं दलं थःथःगु अडान मत्वःतूगुलिं सहमति जुइ मफयाः निगुलिं दलया निम्ह निम्ह नेता दुथ्याकाः प्यम्हेसिया छगू कार्यदल नं दयेकूगु खः। फोरम कुचा जुयाः न्हूगु परिस्थिति सिर्जना जुइवं दलतय् दथुइ हानं वार्ता यायेमाःगु अवस्था वःगु खः ।
