हिन्दू राष्ट्रया माग यासें मध्यपश्चिम बन्द

हिन्दू राष्ट्रया माग यासें विश्व हिन्दू महासंघ लगायतया संगठनतय्सं याःगु बन्दया हुनिं मध्यपश्चिमया जनजीवन प्रभावित जूगु दु । न्हिन्हुन्यंया बन्दया न्हापांगु न्हि थौं मध्यपश्चिम क्षेत्रया उद्योग, कलकारखाना, शिक्षण संस्था, यातायात फुक्कं ठप्प जूगु दु ।

हिन्दू महासंघ सहित च्यागू थीथी संगठनं नेपाःयात हानं हिन्हू राष्ट्र घोषणा यायेमाःगु, धर्म परिवर्तन याकेगु ज्या बन्द यायेमा:गु थज्याःगु माग तयाः निन्हुन्यंकया बन्दया आव्हान याःगु खः ।