एमाले पोलिटब्यूरों पारित याःगु प्रस्ताव केन्द्रीय कमिटीं नं पारित
नेकपा (एमाले)या केन्द्रीय कमिटी मुँज्यां पोलिटब्यूरों पारित याःगु प्रस्तावयात पारित याःगु दु ।
पार्टी मुख्यालय मदननगर बल्खुइ मंगलवाः च्वंगु केन्द्रीय मुँज्यां सेना समायोजन सम्बन्धी प्रस्ताव, राष्ट्रिय सहमतिया आधारय् खुलाया निंतिं संविधानसभाया म्याद थप व राष्ट्रिय सहमतिय सरकारया निंतिं प्रधानमन्त्री नापं पार्टी नायः झलनाथ खनालं मार्ग प्रसस्त यायेगु प्रस्ताव पारित याःगु खः ।
एमाले मूछ्याञ्जे इश्वर पोखरेलं पोलिटब्यूरों पारित याःगु प्रस्ताव केन्द्रीय कमिटीइ पेश यानादीगु खः । प्रस्तावय् न्ह्यथनातः कथं प्रधानमन्त्रीं सहमतिया निंतिं मार्ग प्रसस्त यायेमाःगु खँय् केन्द्रीय कमिटीइ संस्थापन पक्ष व नेता केपी ओली पक्षं फरक फरक बिचाः तःगु खः ।
संस्थापन पक्षं प्रधानमन्त्रीं मार्ग प्रसस्त यायेमाःगु खँग्वः चीकेमाःगु धाःगु खःसा ओली पक्षं मार्ग प्रसस्तया पलेसा प्रधानमन्त्री राजीनमा बीगु धकाः न्ह्यथनेमाःगु बिचाः प्वंकूगु खः । मुँज्याय् ओली पक्षं शान्ति व संविधान सुनिश्चितताया निंतिं प्रधानमन्त्रीं तत्काल राजीनाम बीमाःगु माग तकं याःगु खः ।
News Location:
