मिजंतय् फोन वःगुलिं कलाः स्यात

येँ (सन्ध्या टाइम्स)/कलाःयात यक्व हे मिजंतय्गु फोन वल धकाः तनहुँ जिल्लाया मनपाङया २३ दँ दुम्ह माधव गुरुङं २० दँ दुम्ह कलाः अनु मल्लयात स्याना बिउगु दु। गुरुङं पोखरा सिमलचौरया थःगु हे डेराय् गःपः तियाः कलाःयात स्याना बिउगु खः। प्रहरीं थौं सिबें प्यन्हु न्ह्यः जक ज्वंम्ह गुरुङं थः कलाःयात यक्व हे मिजंतय्गु फोन वःगुलिं तं पिकयाः स्याना बिउगु खँ स्वीकार याःगु दु। थः कलाः मेपिं मिजंत नाप जुल धकाः थम्हं आशंका यानाः कलाःयात स्याना बिउगु खँ धाःगु दु ।