सहमतिपाखें हे राजनीतिक निकास : राष्ट्रपति
राष्ट्रपति डा. रामवरण यादवं राजनीतिक दलत दथुइ सहमतिपाखें हे राजनीतिक निकास मालेमाःगु खँ धयादीगु दु ।
एनेकपा (माओवादी)या नायः पुष्पकमल दाहाल 'प्रचण्ड'नाप मंगलवाः सुथय् जूगु खँल्हाबंलाय् वय्कलं राजनीतिक सहमति यानाः न्ह्याः वनेत सुझाव बियादीगु खः । व्यकलं शान्ति प्रक्रियाय् माओवादीया भूमिका महत्वपूर्ण जूगु धयादिसें मेमेगू दलतय्त नं सहमतिय् हयेत इनाप यानादिल ।
खँल्हाबंलाय् माओवादी नायः प्रचण्डं राष्ट्रिय सहमतिइ फुक्कं दलत छप्पँ जूसां छुंछुं विषयलय् अझ नं दलत दथुइ खँ मिलेमजूगु धयादिल । वय्कलं राष्ट्रपति यादवयात दलत दथुइ जारी सहमतिय प्रक्रिया बारे जानाकारी बियादीगु खः ।
'राजनीतिक दलत दथुइ जारी सहमतिय प्रक्रिया बारे राष्ट्रपतिनाप सहलह जुल, खँल्हाबंला लिपा माओवादी नायः प्रचण्डं धयादिल, 'सहमतिया निंतिं माओवादीं याःगु थीथी निर्णयया बारे नं जिं राष्ट्रपतियात जानकारी बियाः ।'
