न्हूगु सरकारयात समर्थन यायेत नेमकिपाया झिंच्यागू बुँदे माग
सरकार गठनया तयारी यानाच्वंगु कांग्रेस-एमालेया गठबन्धनयात नेमकिपां झिंच्यागू बुँदे माग न्ह्यब्वसें माग पुवंकेगु लिखित प्रतिबद्धता प्वंकूसाः समर्थन यायेगु खँ धाःगु दु ।
कांग्रेस सभापति गिरिजाप्रसाद कोइराला नाप शनिवाः जूगु खँल्हाबंलाय् नेमकिपां झिंच्यागू बुँदे माग न्ह्यब्वःगु खः । कांगेस सभापति कोइरकालायात थःपिंसं तया:गु झिंच्यागू बुँदे माग पुवंकेगु लिखित प्रतिबद्धता वःसाः जक सरकारयात ग्वहालि यायेगु निर्णय कायेफइगु खँ नेमकिपाया अध्यक्ष नारायणमान बिजुक्छें धयादीगु खः ।
नेमकिपां न्ह्यब्वःगु मागय् स्थानीय स्रोत परिचालन यायेमाःगु, चिधंगु जनविद्युत आयोजना निर्माण यानाः लोडसेडिङ अन्त्य यायेमाःगु, फोहोर व्यवस्थापन जुइमाःगु, जनतायात शान्ति सुरक्षाया प्रत्याभुति जुइमाःगु माग याःगु ख: । अथेह तच्वया वंगु बजाः भाः नियन्त्रण यायेमाःगु, स्थानीय निकायया गठन यायेमाःगु, क्रान्तिकारी भुमिसुधार लागू यायेमाःगु लगायतया माग याःगु खः ।
