कन्हय् जुइत्यंगु माओवादीया आमसभा स्थगित

एकीकृत नेकपा (माओवादीं) कन्हय् येँय् यायेत्यंगु आमसभा स्थगित याःगु दु । जेठ १ गते निसें देय्न्यंक जनपरिचालन याःगु माओवादीं थःपिनिगु लिप्पांगु ज्याझ्वः कथं येँय् यायेगु धाःगु आमसभा राष्ट्रिय राजनीतिइ गम्भीर परिस्थिति ब्वलंगुलिं स्थगित यायेमाःगु खँ धाःगु दु ।

माओवादी प्रवक्ता दिनानाथ शर्मां राजनीतिक परिस्थिति गम्भीर जूगुलिं पार्टी गम्भीर व जिम्मेवार जुयाः न्ह्यावनेत पूर्व निर्धारित आसभाया ज्याझ्वः स्थगित याःगु जानकारी बियादिल ।

कन्हय् यायेत्यंगु आमसभाय् माओवादी नायः पुष्पकमल दाहाल 'प्रचण्ड' लगायत नेतातय्सं सम्बोधन याइगु ज्याझ्वः दुगु खः ।