संविधानसभा भवन जःख निषेधित क्षेत्र घोषणा
जिल्ला प्रशासन ज्याकू येँय् नं संविधानसभा भवन जःखया क्षेत्रयात निषेधित क्षेत्र घोषणा याःगु दु । संविधानसभाया म्याद क्वचायेत्यंगुलिं थीथी पुचलं दबाव बीत संविधानसभा घेराउ ज्याझ्वः यानाच्वंगु खँयात ध्यानाय् तयाः निषेधित क्षेत्र घोषणा याःगु खः ।
जिल्ला प्रशासन ज्याकूथीं सोमवाः छगू विज्ञप्तिइ पिथना न्हू बानेश्वरस्थित संविधानसभा भवनाया पश्चिम गेटपाखें तप्यंक हनुमानथानपाखे ५० मिटर तक निषेधित क्षेत्र जूगु खँ न्ह्यथंगु दु । अथेहे न्हू बानेश्वर चोकय् लाःगु संविधानसभा भवनया पश्चिम लँपु जुया पश्चिम पखाःया लिप्पांगु विन्दु तक सतकया निगूलिं किनारातकया क्षेत्र निषेधित याःगु दु ।
अथेहे अरनिको राजमार्ग जुयाः संविधानसभा भवनया पखाःया लिप्पांगु विन्दु, न्हू बानेश्वर चोकं शंखमूल वनेगु सतकपाखे ५० मिटर व बानेश्वरं माइतीघर मण्डलापाखे वनेगु ५० मिटर सतक तक नं निषेधित क्षेत्र घोषणा याःगु दु ।
सुरक्षा व्यवस्थाया संवेदनशीलतायात ध्यानय् तयाः संविधानसभा जःख धर्ना, विरोध, जुलुस प्रदर्शन व आमसभा यायेमदइगु कथं जिल्ला प्रशासनं निषेधित क्षेत्र घोषणा याःगु खः ।
News Location:
