अन्ततः नरेश मंत

येँ (सन्ध्या टाइम्स)/नेपालभाषाया कार्यकर्ता लिसें मुद्रण व्यवसायी नरेशकुमार शाक्य थौं मंत। वंगु छुं ई न्ह्यवंनिसें जलस्येँ (किड्नी) या ल्वचं कयाः उसाँय् मदयाच्वंम्ह वय्कःयात थौं सुथय् १०.३० बजे सासः ल्हाये थाकुयाः वीर अस्पताल यंकूगु खःसा अन हे ११ बजेपाखे वय्कः मदुगु खः। वालय् निक्वः डायलासिस यायेमाःम्ह वय्कः शुक्रवाः तिनि डायलासिस यानाः लिहां झाःम्ह खः। वय्कःयात थौं हे पशुपति आर्यघाटय् अन्तिम संस्कार याइगु ज्याझ्वः दु। मदुम्ह शाक्यया मां लिसें कलाः व ११ दँ दुम्ह छम्ह काय दी ।