मोरंगय् नेवाः सहलह

येँ (सन्ध्या टाइम्स)/नेवाः देय् दबू मोरङ्गया ग्वसालय् राष्ट्रिय जनगणना २०६८ यात कया सहलह मुँज्या जुल। नेवाः देय् दबू मोरङ्गया नायः देवेन्द्र कुमार श्रेष्ठया सभापतित्वय् न्ह्याःगु उगु ज्याझ्वलय् नेवाः देय् दबूया नायः नरेश ताम्रकारं मूपाहां कथं झाःगु खः। उगु ज्याझ्वलय् जनगणनाय् नेवाःतय्सं थःगु मांभाय् नेवाः भाषा, थःगु जात वा जाति नेवाः, निगूगु भाषा थःनाप स्वापू दुगु मेमेगु आदिवासी जनजातिया भाषा च्वयेगु नापं जःलाखःला आदिवासी जनजातितय्सं निगूगु भाषाय् नेवाः भाषा च्वकेत कुतः यायेगु खँ सहलह ब्याकूगु खः। ज्याझ्वलय् देय् दबूया मूदुजः दुजःपिं पूर्णकृष्ण श्रेष्ठ व प्रकाश खड्गी, आदिवासी जनजाति महासंघया दुजःतय्सं नं न्ववानादीगु खः ।