फोरम हानं कुचा जुल

येँ (सन्ध्या टाइम्स)/उपप्रधानमन्त्री उपेन्द्र यादवया नेतृत्वय् दुगु मधेसी जनअधिकार फोरम हानं छक्वः कुचा जूगु दु। पार्टी सरकारय् वंगु खँय् असन्तुष्टि प्वंका वयाच्वंम्ह सहअध्यक्ष जयप्रकाश गुप्तां थौं १३ सभासद् सहित मधेसी जनअधिकार फोरम (गणतान्त्रिक) नामं न्हूगु पार्टी दर्ता यानागु जानकारी सभासद् सुभाष नेम्बाङयात बियादीगु खः। संविधानसभाया चुनावय् ५२ सीट दुगु फोरमया २९ सभासद फोरम (लोकतान्त्रिक) याके दुसा ल्यं दुगु २३ य् नं १३ आः फोरम (गणतान्त्रिक) य् वंगु दु ।