सुनसरीया सरकारी ज्याकू बन्द

येँ (सन्ध्या टाइम्स)/भारतीय नागरिक जागिर मियाँयात नागरिकताया सिफारिस याःगुलिं प्रहरीं ज्वंम्हेसित त्वःतेमाःगु माग यासें थीथी कर्मचारी संगठनं थौं सुनसरीया सरकारी ज्याकू बन्द याना बिउगु द। वंगु विहिवाः मियां सुनसरीया सीडीओ ज्याकुथी निवेदन तःगु खःसा छानविनया झ्वलय् मियाँ भारतीय नागरिक धइगु सी दयेवं वयात सिफारिस याःम्ह जल्पापुर गाविसया सचिव भुपाल श्रेष्ठ व कर्मचारी प्रकाश फुयाँदयात प्रहरीं ज्वंगु खः ।