लाडकु शिविर अनुगमनया निंतिं आवश्यक जनशक्ति खटे याइगु
माओवादी लडाकु समायोजन विशेष समितिं लडाकुतय् शिविर अनुगमन व रेखदेखया निंतिं आवश्यक जनशक्ति खटे यायेगु निर्णय याःगु दु ।
समितिया थौं च्वंगु मुँज्यां समिति मातहतया सचिवालय् आवश्यक जनशक्ति खटे यायेगु निंतिं तत्काल भर्ना यायेगु निर्णय याःगु दु । लडाकु अनुगमन व रेखदेखया निंतिं आवश्यक ४३३ जवना कर्मचारीतय् तत्काल भर्ना याइगु जूगु दु ।
अथेहे सचिवालय मातहत 'सिच्यूएसन सेन्टर' गठन यानाः उगु सेन्टरं लडाकु शिविरय् नीप्यघौ हे निगरानी तइगु जूगु दु । उगु सेन्टरय् स्वंगूलिं सुरक्षा निकाय व माओवादी लडाकुतय् पाखें प्यम्ह-प्यम्ह यानाः झिंखुम्ह पदाधिकारी दइगु व्यवस्था याःगु दु ।
जनशक्ति परिचालन यायेगु विषयलय् सहमति या:सां थौं च्वंगु समितिया मुँज्यां सेना समायोजनया मोडालिटीया बारे धाःसा निर्णय यायेमफुत । मुँज्याय् समायोजनाया मोडालिटीया बारे सहलह जूसां समितिया दुजःतय्सं मोडालिटीया बारे राजनीतिक निर्णय आवश्यक जूगुलिं राजनीतिक निर्णय लिपा जक समितिं उकिया बारे लिप्पांगु निर्णय यायेगु खँय् सहमति प्वंकूगु दु ।
