माग पूवंकेगु आश्वासन लिपा सभासद्तय् आन्दोलन स्थगित

प्यम्ह सभासद्तय् माग झिंन्यान्हुया दुने पूवंकेगु सहमति जुइवं सभासद्तय्सं थःपिनिगु आन्दोलन स्थगित याःगु दु ।

निरन्तर संसदया मुँज्या अवरोध लिपा समासभा्दतय् मागया बारे सहलह यायेत थौं च्वंगु सर्वदलीय मुँज्याय् प्रमुख दलया शीर्ष नेतातय्सं झिंन्यान्हुया दुने प्यम्ह सभासदतय् माग सम्बोधन यायेगु आश्वासन बिउगु खः । आदिवासी जनजाति, मिसा, दलित, मुस्लिम समुदायया माग न्हूगु संविधानय् सम्बोधन यायेमाःगु माग तयाः प्यम्ह सभासद्तय्सं संसदया मुँज्या अवरोध यानावयाच्वंगु खः ।

दलित जनजाति पार्टीया विश्वेन्द्र पासवान, नेपाः पार्टीया बुद्धरत्न मानन्धर, संघीय लोकतान्त्रिक मञ्चया रुकमनी चौधरी व स्वतन्त्र सभासद् सदरुल मियाँ समावेशीकरण सम्बन्धी विधेयक हयेमाःगु, ल्यूने लाःपिं समुदयाया अधिकार सुनिश्चित यायेमाःगु माग यानाच्वंगु ख: ।