'सहमतिय सरकारया निंतिं सुंनं बाधक जुइमज्यू'
एकीकृत नेकपा (माओवादी)या न्वकु डा. बाबुराम भट्टराईं सहमतिय सरकारयात निंतिं सुंनं बाधक जुइमज्यूगु बिचाः प्वंकादीगु दु । 'माओवादी प्रधानमन्त्री झलनाथ खनाल नेतृवया सरकारयात हे राष्ट्रिय सहमतिया स्वरुप बिइमाःगु पक्षय् दु, वय्कलं धयादिल, 'तर सहमतिय सरकार निर्माण जुइसाः उकि सुंनं बाधक जुइमज्यू ।'
रिपोटर्स क्लबं थौं येँय् ग्वसाःग्वःगु छगू साक्षात्कार ज्याझ्वलय् नेता भट्टराईं राजनीतिक गतिरोध क्वचायेकेत माओवादी व कांग्रेस दथुइ सहमति जुइमाःगु धयादिल । बिचाःया नेतृत्व व संगठनिक क्षमताया हिसावं नं निगू दल दथुइ सहमति जुइमाःगु धयादिसें वय्कलं निगू दल दथुइ सहमति यानाः मेमेगू दलयात नं नापं यंकेमाःगु धयादिल ।
वय्कलं शान्ति, संविधा।न संविधानसभाया म्याद थप, राष्ट्रिय सहमतिय सरकार लगायत विषयलय् दलत दथुइ प्याकेजय् सहमति जुइमाःगु खँय् बः बियादिल । शान्ति व सुनिश्चितताया नितिं राष्ट्रिय सहमतिय सरकारया आवश्यकता दुगु धयादिसें नेता भट्टराईं दकलय् तःधंगु दलया नातां माओवादीं अज्याःगु सरकारया नेतृत्वय यायेदयेमाःगु धयादिल ।
