नेवाः विद्यार्थी दबूया न्हू पलाः विमोचन
माननिय शिक्षा मन्त्री गंगालाल तुलाधरं छगू ज्याझ्वःदथुइ नेवाः विद्यार्थी दबू केन्द्रीय कमिटीया स्मारिका 'न्हू पलाः' विमोचन यानादीगु दु ।
नेवाः विद्यार्थी दबूलिं संचवा: येँया पद्मकन्या क्याम्पसय् ग्वसा:ग्व:गु ज्याझ्वलय् मन्त्री तुलाधरं नेवाः समुदायया भाषा, साहित्य, तजिलजि व नेवाः बिद्यार्थीतय्गु हक-हितया निंतिं थीथी इलय् याना वयाच्वंगु आन्दोलन, जनचेतनामुलक ज्याझ्वःया लेख रचना त दुथ्याका तःगु थुगु स्मारिकाय् विमोचन यानादीगु ख: ।
ज्याझ्वःयात सम्वोधन यानादिसें मन्त्री तुलाधरं शिक्षाय् भाषा विषयया विकल्प भाषाया हे विषय जुइमाःगु धयादिसें भाषा विषयया विकल्प भाषा विषय हे यायेत थ:म्हं कुतः यायेगु धयादिल ।
अथेहे ज्याझ्वलय् नेपाल आदिवासी जनजाति बिधार्थी महासंघया नायः नरबहादुर गुरुङं एकात्मक शिक्षा प्रणालीयात विरोध यानादिसें पहिचानया आन्दोलनयात साम्प्रदायिक नां बियाः भुमिपुत्रतय्गु आन्दोलनयात अन्यौल लाकेत स्वःगु द्वपं बियादिल ।
एमालेया केन्द्रिय दुज: राजेन्द्र श्रेष्ठं संयुत्त राष्ट्र संघ व आईलओ १९६ या विश्वब्यापी परिभाषा कथं जक आदिवासी
जनजाति धका: सुचिकृत यायेमाःगु धयादिसें आन्दोलनया भरय् सुयात नं आदिवासी जनजाति धाये मजिउगु धयादिल ।
ज्याझ्वलय् नेपालभाषा एकादमिया चान्सलर सत्यमोहन जोशी, नेवाः देय् दबूया नाय: नरेश ताम्रकार नेवा: स्वायत्त राज्य मंकाः सर्घष समितिया सचिवालय कजि मल्ल के. सुन्दर लगयातं नं नुग: खँ प्वंकादीगु खः ।
Related Stories
'मातृभाषाया विकल्प मातृभाषा हे तये' मांभासं शिक्षा बारे सहलह मातृभाषाया शिक्षा बारे शिक्षामन्त्रीयात ज्ञापनMore Stories Like this
खुम्ह ब्वमिपिन्त छात्रवृति लःल्हात एसएलसी दसि पौ प्रमाणीकरण इन्टरनेटं शिक्षक नियुक्तिया लँपु चाल लक्ष्मीनारायण-पुनमाया सिरपाः लःल्हात एसएलसीइ नेपालभाषा कयाः ब्वंपिंत हन
