अनिवार्य सैन्य तालिमया प्रस्ताव अस्वीकृत
येँ (सन्ध्या टाइम्स)/फुक्क नेपाली नागरिकं अनिवार्य सैनिक तालिम कायेमाः धकाः माओवादीं तयातःगु प्रस्तावयात संविधानसभा संवैधानिक समिति अन्तर्गतया उपसमितिया थौं च्वंगु मुँज्यां अस्वीकृत यासें सैन्य तालिम सम्वन्धी प्रावधान संविधानय् मच्वयेगु निर्णय याःगु दु ।
माओवादीं १८ दँ थ्यनेधुंकूपिं नेपाःमितय्त सैन्य तालिम बीगु प्रस्ताव तयातःगु खः। एकीकृत माओवादीं मुँज्याय् लचकता क्यंगुलिं सैन्य तालिम बीगु प्रावधान मतयेत सहमति जूगु खः। थौं बाघौ जक बैठक च्वंगु खः। उप समितिया अध्यक्ष जुयाः एकीकृत माओवादीया अध्यक्ष प्रचण्डं ज्या यानाच्वंगु दु ।
