संयुक्त राष्ट्र संघय् बुद्ध जयन्ती
यल (सन्ध्या टाइम्स)/अन्तर्राष्ट्रिय बौद्ध अध्ययन संस्था नेपाल, बुद्ध जयन्ती समारोह समिति आनन्दकुटी बिहार व संयुक्त राष्ट्र संघ नेपाःया मंकाः ग्वसालय् २५५५ क्वःगु बुद्ध जयन्ती थनया राष्ट्र संघ भवनय् न्यायेकल। बुद्ध जयन्तीयात संयुक्त राष्ट्र संघं नं मान्यता बियातःगु कारणं राष्ट्र संघया समेत कुतलय् थ्व बुन्हि न्यायेकूगु खः ।
भाजु प्रेमलाल चित्रकारया सभापतित्वय् न्ह्याःगु उगु ज्याझ्वलय् भिक्षु ज्ञानपूर्णिक महास्थवीर मूपाहांकथं बिज्याःगु खः। वसपोलपाखें शील प्रार्थना यासें न्ह्याकूगु उगु ज्याझ्वलय् न्ववासें वसपोलं संयुक्त राष्ट्र संघं हना वयाच्वंगु बुद्ध जयन्तीयात कयाः लसता प्वंकाबिज्यात। ज्याझ्वलय् संयुक्त राष्ट्र संघया प्रतिनिधि रामबाबु शाहं लसकुस यानादीगु खः ।
