'शान्ति प्रक्रियाय् प्रगति जूसाः खुलाया निंतिं म्याद थप'
राष्ट्रिय जनशक्ति पार्टीया नायः सुर्यबहादुर थापां जेठ १४ गते दुने शान्ति प्रक्रियाय् प्रगति जूसाः खुलाया निंतिं संविधानसभाया म्याद थप यायेफइगु खँ धयादीगु दु ।
प्रधानमन्त्री झलनाथ खनालनाप शुक्रवाः जूगु खँल्हाबंलाया झ्वलय् नेता थापां यथास्थितिइ छुं नं हालतं म्याद थपया सम्भावना मदुगु धयादिल । प्रधानमन्त्री निवास बालुवाटरय् थ्यंकादीम्ह थापायात प्रधानमन्त्री खनालं संविधानसभाया म्याद थपया निंतिं ग्वाहालि यायेत इनाप यानादीगु खः ।
लिसलय् नेता थापां यदि शान्ति प्रक्रियाय् प्रगति जूसाः खुलाया निंतिं संविधानसभाया म्याद थप यायेफइगु खँ धयादीगु खः । वय्कलं सरकार गम्भीर जूसाः ल्यँ दुगु इलय् शान्ति प्रक्रियां उलेख्य प्रगति यायेफइगु धयादिल ।
प्रधानमन्त्री खनालं वर्तमान सरकार शान्ति प्रक्रियायात ठोस निष्कर्षय् थ्यंकेत गम्भीर जूगु धयादिसें शान्ति व संविधान सरकारया प्राथमिकता जूगु जानकारी बियादिल ।
News Location:
