थौं ब्राम्हण समाजया बन्द / छगः एम्बुलेन्सय् तोडफोड
ब्राम्हण समाजं थौं याःगु पश्चिमाञ्चल बन्दं अनया जनजीवन प्रभावित जूगु दु । ब्राम्हण जातियात नं आदिवासीया धलखय् दुथ्याकेमाःगु माग यानाः समाजं बन्दया आव्हान याःगु खः । बन्दया हुनिं गण्डकी, लुम्बिनी व धैवलागिरी अञ्चलया झिंखुगू जिल्लाया यातायात पूर्णरुपं ठप्प जूगु दु । शिक्षण संस्था, कलकारखाना, बजाः फुक्कं बन्द जूगु दु ।
बन्दया झ्वलय् बन्दकर्तातय्सं लुम्बिनी मेडिकल कजेलया छगः एम्बुलेन्सय् तोडफोड यानाः बिउगु दु । एम्बुलेन्सय् यात्रुतय्त ज्वनायंकाच्वंगु धासें बन्दकर्तातय्सं तानसेनं मेडिकल कलेज प्रभास वनाच्वंगु लु. १. च. ३२४४ नम्बरया एम्बुलेन्सय् तोडफोड याःगु खः । तोडफोडय् संलग्म स्वम्हेसित प्रहरीं ज्वनायंकूगु दु ।
समाजं ब्राम्हण समुदाययात जुयाच्वंगु अपमान दिकेमाःगु व जातीय आधारय् सुयातनं भेदभाव यायेमज्यूगु धासें बन्दया आव्हान याःगु खः ।
