गःचाःहिउवंम्ह लँय् हे मंत

येँ (सन्ध्या टाइम्स)/मनूया मृत्यु गन गबलय् जुइ छुं हे धाये मफु। म्हिगः बुद्ध जयन्तीया लसताय् स्वयम्भुइ गःचाःहिउ वंम्ह छम्ह मनू लँय् हे मंत। थः प्यदँ दुम्ह काय ज्वनाः गःचाःहिउ वंम्ह राजु मानन्धर गःचाःहिलेथाय् सँय्तय् दिपया लिक्कसं सीगु खः। येँ २३ वडा झोछेँय् च्वंम्ह ४७ दँ दुम्ह मानन्धर छु जुयाः सीगु खः धइगु सी मदुनि। वयात लँय् ग्वारातुलाच्वंगु प्रहरीं खंकाः मोबाइलपाखें छेँय् जानकारी बियाहःगु खः ।

मानन्धरया निम्ह चिचीधीपिं मस्त नापं कलाः नं दु। म्हिगः हे टेकुइ वय्कःया अन्तिम संस्कार नं यायेधुंकल ।