माथिल्लो तामाकोशी जलविद्युत आयोजनाया शिलन्यास
प्रधानमन्त्री झलनाथ खनालं दोलखाया लामामबगरय् च्वंगु माथिल्लो तामाकोशी जलविद्युत आयोजनाया बुधवाः शिलन्यास यानादीगु दु ।
स्वदेशी लगानीलय् हे निर्माण जुइत्यंगु दकलय् तःधंगु जलविद्युत परियोजना शिलन्यास ज्याझ्वःया निंतिं प्रधानमन्त्री खनालनापं, गृहमन्त्री कृष्णबहादुर महरा, रक्षामन्त्री विष्णु पौडेल, संचारमन्त्री टोपबहादुर राइमाझी, उर्जामन्त्री गोकर्ण विष्ट, भौतिक योजना व निर्माण राज्यमन्त्री देवी खड्गा लगायत विशिष्ट व्यत्तित्व अन थ्यंकादीगु खः ।
४ सय ५६ मेगावाट विद्युत उत्पादन यायेगु क्षमता दुगु थुगु जलविद्युत आयोजना ३५अर्ब २०करोड लागतय् निर्माण जुइत्यंगु खः । परियोजना सन् २०१५या दुने निर्माण पूवंकेगु योजना दयेकातःगु दु ।
आयोजनाया शिलन्यास यानादिसें प्रधानमन्त्री खनालं फुक्कसियां सहमतिइ शिलन्यास जूगु धयादिल । थ्वस्वयां न्ह्यः माधवकुमार नेपाल प्रधानमन्त्री जुयाच्वंगु इलय् हे थुगु परियोजना शिलन्यास यायेगु योजना दयेकातःगु खःसां माओवादी अवरोधया हुन शिलन्यास जुइमफुगु खः ।
News Location:
