नेतात अनुपस्थित जुइवं उपसमितिया मुँज्या स्थगित
संवैधानिक समिति अन्तर्गत विवाद समाधान यायेत नीस्वंगु उपसमितिया मुँज्या कन्हय् तकया निंतिं स्थगित जूगु दु । थौं सःतुगु मुँज्याय् प्रमुख दलया नेतात अनुपस्थित जुइवं मुँज्या कन्हय् सुथय् ११ बजे च्वनेगु कथं स्थगित याःगु खः ।
सिंहदरवास्थित राज्य व्यवस्था समितिया कार्यकक्षय् सःतुगु मुँज्या औपचारिकताय् प्रवेश मयायेकं स्थति याःगु खः । मुँज्याय् सभामुख सभाषचन्द्र नेम्वाङ, संवैधानिक समितिया सभापति निलाम्बर आचार्य, उपसमितिया अध्यक्ष पुष्पकमल दाहाल 'प्रचण्ड' उपस्थित जूगु खःसां कांग्रेस उपसभापति रामचन्द्र पौडेल, एमाले नेता माधवकुमार नेपाल व सद्भावना नेता लक्ष्मणलाल कर्ण अनुपस्थित जुयादीगु खः ।
न्हूगु संविधान निर्माणया झ्वलय् अझ नं स्वीगू विषयलय् सहमति जुइ ल्यँ दनीगुलिं छुं न्हि तिनि उपसमितिया म्याद जेठ १३ गते तकया निंतिं थप याःगु खः ।
