संवैधानिक समिति अलपत्र
येँ (सन्ध्या टाइम्स) राजनीतिक पार्टीत सरकार दयेकेगु ज्याय् हे अप्वः व्यस्त जूगुलिं शान्ति प्रकि्रयाया मू ज्याझ्वः न्हूगु संविधान च्वयेगु व सेना समायोजनया ज्या ध्याकुनय् लाःवंगु दु ।
संविधानया मस्यौदा दयेकेगु मू जिम्मा दुगु संवैधानिक समितिया अध्यक्ष व एमालेया वरिष्ठ नेता माधव नेपाल प्रधानमन्त्री जुइगु लँय् ब्वाँय् जुयाच्वंगुिलं समिितं झिन्हु लिपा बीमाःगु सुझाव आः छु जुइ धइगु अन्यौल ब्वलंगु दु ।
थिनं नीन्यान्हु न्ह्यः माओवादी सरकारं प्रधानसेनापति रुक्मांगद कटवालयात २४ घण्टे स्पष्टीकरण कायेवं शुरु जूगु राजनीतिक द्वन्द्व्रं सरकार जक क्वःदःगु मखु शान्ति प्रकि्रयाया मुक्कं ज्यायात नं प्रभावित याना बिउगु दु ।
संविधान दयेकेगु कार्यतालिका हिलेधुंकाः न्हूगु कार्यतालिका कथं थ्वहे जेठ ९ गते थीथी समिितं थःथःपिनि अवधारणा संवैधानिक समितियात बीमाःगु खः । तर वर्तमान राजनीतिक अवस्थां यानाः थ्व ज्या इलय् जुइगु सम्भावना मदुगु खँ संविधानसभा सचिवालयया प्रवक्ता मुकुन्द शर्मां कनादीगु दु ।
संवैधानिक समितिया अध्यक्ष माधव नेपालयात प्रधानमन्त्रीया रुपय् न्ह्यःने हयेवं उकिया लिच्वः समिति- यात लाःगु खः । वय्कः सरकार दयेकेगु ज्याय् ब्वाँय् जुयाच्वंगुलिं निक्वः तक समितिया बैठक स्थगित जुइधुंकल ।
सविधान च्वयेगु थें हे महत्वपूर्ण मेगु ज्या सेना समायोजनाय् ला झन तःधंगु समस्या ब्वलनीगु खँ सम्ब- न्धित विज्ञतय्सं धाःगु दु । सेना समायोजना विशेष समितिया बैठक सेनापति प्रकरण लिपा छकः हे च्वने मफुनि । उगु समितिया संयोजक प्रधानमन्त्री प्रचण्ड खःसा न्हूगु सर-कार गठन वय्कः च्वनी मच्वनी ठेगान मदुगु खँ नं धाःगु दु ।
