थौं २५५५क्वःगु बुद्ध जयन्ती

थौं २५५५क्वःगु बुद्ध जयन्ती । बैशाख पुन्हि अर्थात स्वांयाः पुन्हि अथे धइगु थौं भगवान गौतम बुद्ध बूगु, बोधिज्ञां चूलागु व निर्वाण जूगु न्हि ख: ।

बुद्ध जयन्तिया झ्वलय् थौं येँय्, बुद्ध जन्म जूगु थाय् लुम्बिनी लगायत देय्न्यंक थीथी ज्याझ्वः जुयाच्वंगु दु । र्‍याली, सरसफाई, प्रवचन नापं हिदान लगायत ज्याझ्वः यानाः थौं २५५५क्वःगु बुद्ध जयन्ती देय्न्यंक हनाच्वंगु दु । अथेहे थौं देय्यंकया चैत्य, स्तुप व विहारय् बुद्धपुजा जुयाच्वंगु दु ।

थौं बुद्धधर्मालम्बीतय् छेँय्-छेँय् न्याता रङ्गया बौद्ध ध्वाँय् ब्वयेकी चलन दु । न्याता रङ्ग धैगु थ्व संसार ब्वलनेत माःगु पञ्च तत्वया प्रतीक खः ।

झी बुइ, ब्वलनी, सुःख सिइ, दुःख सिइ अले मदयावनी । थंज्याःगु भावसागरं मुक्त जुइगु ज्ञां सकसियां न्ह्यःने ब्वयाबिज्याःम्ह सिद्धार्थ गौतम बुद्ध इश्वी संवत् ५४४ दँ न्ह्यः महावपरिनिर्वाण जुयाबिज्याःगु खः ।