संविधानसभाया म्याद थपया विकल्प मदु : विजुक्छे
नेपाल मदजुर किसान पार्टीया नायः नारायणमान विजुक्छें संविधानसभाया म्याद थप यायेगुया विकल्प मदुगु खँ धयादीगु दु ।
नेपाली कांग्रेसया सभापति सुशील कोइरालानाप थौं थःगु हे छेँय् खँल्हबंला यानादिसें वय्कलं रानजीतिक दलत दथुइ सहमतिया आधारय् संविधानसभाया म्याद थप यायेमाःगु धयादिल । कांग्रेस सभापति सुशील कोइरालां यथास्थितिइ संविधानसभाया म्याद थप यायेमज्यूगु धकाः धयादीगु खँ प्रति असहमति प्वंकूसें बिजुक्छें म्याद थप मयासाः राष्ट्रपति शासन लागू जुइगु धयादीगु खः ।
खँल्हाबंलाय् निम्ह नेतात दथुइ शान्ति व संविधान निर्माण बारे सहलह जूगु खः । सभापति कोइरालां संविधानसभाया म्याद थप याये न्ह्यः शान्ति प्रक्रिया क्वचायेकेमाःगु धयादिसें हानं म्याद थप यायेवं संविधान निर्माण जुइगु आधार मदुगु धयादिल । कोइरालां शान्ति प्रक्रिया क्वमचासाः अलोकतान्त्रिक संविधान निर्माण जुइगुलिं कांग्रेसं अज्याःगु संविधान निर्माण जारी यायेमबीगु धयादिल ।
