लोकतन्त्र संस्थागत यायेमफुगु प्रति राष्ट्रपति चिन्तित

नेपाःया जनतां तःधंगु त्याग व आन्दोलनं प्राप्त याःगु लोकतन्त्रयात संस्थागत यायेमफुगु प्रति राष्ट्रपति डा. रामवरण यादव चिन्तित जुयादीगु दु । राष्ट्रपति यादवं राजनीतिक अस्थिरताया हुनिं लोकतन्त्र संस्थागत यायेत थाकूगु धासें च्यूताः प्वंकादीगु दु ।

सोमवाः निसें यलय् सुरु जूगु साउथ एसियन म्यानेजमेन्ट फोरमया ११क्वःगु सम्मेलनय् न्ववानादिसें राष्ट्रपति यादवं राजनीतिक अस्थिरतां लोकतन्त्रयात हे खतराय् लाकूगु धयादिल । वय्कलं लोकतन्त्रयात संस्थगत यायेत जिम्मेवार राजनीतिक दलतय्सं राजनीतिक सहमति निर्माण यायेमफुगु धयादिल ।

वय्कलं राजनीतिक दलत दथुइ तत्काल सहमति मजूसाः देय् गम्भीर दुर्घटनाय् वनीगु ख्याच्वः नं बियादिल ।