स्वनिगलं पिने बन्द

येँ (सन्ध्या टाइम्स)/आदिवासी जनजाति, मधेशी दलित गणतान्त्रिक गठबन्धनं थौं आह्वान याःगु नेपाल बन्दं स्वनिगलय् सुथय् भचा लिच्वः लाकूसां ९ बजे लिपा धाःसा यातायात पूर्ण रुपं चले जूगु दु। आदिवासी जनजाति दलित गणतान्त्रिक मोर्चा नापं थीथी कथंया न्हय्गू मोर्चापाखें थौं बन्दया आह्वान याःगु खः। संविधानसभाया म्याद थप याये मजिउगु, १४ गते दुने शान्ति प्रक्रिया पूवंकेमाःगु, जातीय स्वायत्तता नापं राज्यं लिउने लाका तःपिंत अग्राधिकार बीमाःगु नापं थीथी कथंया माग यानाः उगु बन्द आह्वान याःगु खः। बन्दं स्वनिगःयात खास लिच्वः मलाकूसां बसं मस्त हयेमाःगु छुं छुं स्कूलत धाःसा बन्द जूगु दु। बन्द आह्वान यानातःगुलिं सुनसरी, मोरङ लगायतया जिल्लाय् सामान्य प्रभाव लाःगु दु ।