बुद्ध जयन्तीया लसताय् बौद्ध मिसापिनि शोभा यात्रा
येँ (सन्ध्या टाइम्स)/महिला बौद्ध समूहया ग्वसालय् २५५५ क्वःगु बुद्ध जयन्ती व १८ क्वःगु महिला बौद्ध समूह बुद्धबारीया दँमुँज्याया लसताय् छगू शोभा यात्रा न्ह्यात। सभासद्त तिर्थराम डंगोल मूपाहां कथं झाःगु उगु शोभायात्रा बुद्धबारी खोल्चापाखां न्ह्याःगु खःसा उकी भिक्षु सुमेघधीर सुधिरोपाखें शीलप्रार्थना व बुद्धपुजा अले भिक्षु नन्दपाखें प्रवचन नं जूगु खः। ज्याझ्वलय् प्रा. डा. खड्गमान श्रेष्ठ, चक्रमान डंगोलपिंसं बुद्ध जयन्तीया महत्व बारे कनादीगु खः ।
यात्रा समूहया नायः श्रीमिला सुवालया नेतृत्वय् न्ह्याःगु ज्याझ्वलय् सचिब तारा शाक्यं लसकुस यानादीगु खः। उगु यात्रा हिउमतं ब्रम्हत्वाः, वन्दे जुया:हाकनं बुद्धबारी हे क्वचाःगु खः। यात्राय् थीथी बाजं खलकं नं ब्वति काःगु खः ।
