पासपोर्ट दुरुपयोग याःपिंत १५ लख धरौटीइ त्वःतेत आदेश
कुटनीतिक पोसपोर्ट दुरुपयोग याःगु द्वपंलय् कुनातःपिं निलम्बित सभासद्त वीपी यादव व गायत्री साहयात धरौटीलय् त्वःतेत विशेष अदालतं आदेश बिउगु दु ।
अख्तियार दुरुपयोग अनुसन्धान आयोगं निम्ह निलम्बित सभासद्त विरुद्ध दायर याःगु मुद्दाया आइतवाः फैसला न्यंकूसें विशेष अदालतया अध्यक्ष गौरीबहादुर कार्की व दुज:त केदारप्रसाद चालिसे व ओमप्रकाश मिश्रया मंका: इजलासं १५ लख घरौटीइ कयाः त्वःतेत आदेश बिउगु खः । तर निम्हेसिनं धरौटी बापत १५ लख पुलेमफुगुलिं इमित डिल्लीबजारस्थित सदर खोर चालन याःगु दु ।
अख्तियारं मधेशी जनअधिकार फोरमया सभासद् वीपी यादव व नेपाली जनता दलया गायत्री साहयात भ्रष्टाचार याःगु ध्यबा जरिवाना व झिंन्यादँ कुनेत माग यासें विशेष अदालतय् मुद्दा दायर याःगु खः । अख्तियारं मुद्दा न्ह्याकेवं संविधानसभां निम्ह सभासद्तय्त सभासद् पदं निलम्बन याःगु खः ।
