थ्वहे सरकारयात राष्ट्रिय सहमति दयेकेगु पहल : भट्टराई

एनेकपा (माओवादी)या न्वकु डा. बाबुराम भट्टराईं वर्तमान झलनाथ खनाल नेतृत्वया सरकारयात हे राष्ट्रिय सहमतिया सरकार दयेकेगु कुतः जुयाच्वंगु खँ धयादीगु दु ।

विराटनगरय् आइतवाः साचारकर्मीत लिसे खँल्हाबंला यानादिसें वय्कलं जेठ १४ गते दुने हे राष्ट्रिय सहमतिया सरकार निर्माण जुइमाःगु धयादिल । उकिया निंतिं वर्तमान सरकारय् हे कांग्रेस व मधेशवादी नेतातय्त नं दुथ्याकेगु कुतः जुयाच्वंगु जानकारी बियादिल ।

जेठ १४ दुने राष्ट्रिय सहमतिया सरकार गठन मजुसाः राजनीतिक दलत दथुइ मुठभेडया अवस्था ब्वलनीगु ख्याच्वः बियादिसें वय्कलं वर्तमान सरकारयात राष्ट्रिय सहमतिया स्वरुप बीइमफुसाः जक मेगू सरकारया विकल्प मालेगु स्पष्ट यानादिल ।