जनजाति महासंघं आन्दोलन व वार्तायात नापं यंकीगु

नेपाल आदिवासी जनजाति महासंघं थःगु अधिकार प्राप्तिया आन्दोलन व वार्तायात नापनापं यंकीगु निर्णय याःगु दु ।

महासंघया शनिवाः च्वंगु मुँज्यां सरकारं वार्ता पुचः गठन याना: वार्ताया निंतिं ल्ह्वंगु पलाः सकारात्म जूगु धासें याकन हे सरकारनाप वार्ता यायेगु क्वःछिउगु दु । महासंघं सम्भव जूसा: कन्हय् हे छगू वार्ता पुचः नीस्वनाः सरकारनाप वार्ता याइगु जुगु दु ।

अथेहे महासंघं वार्ता नापं आन्दोलनयात नं निरन्तरता बीगु जूगु दु । महासंघं जेठ २ गते निसें हस्तक्षेपकारी आन्दोलन यायेगु घोषणा याःगु दु । आन्दोलन कथं नगरपालिका, जिविस, गाविस तालाबन्दी, जागरण अभियान नापं बन्द व आमहड्ताल तकं यायेगु खँ महासंघं धाःगु दु ।

संविधान निर्माण यायेमाःगु इलय् सरकारं जनगणना न्ह्याकाः ध्यान मेखे हे केन्द्रीत यायेत स्वःगु द्वपं नं महासंघं बिउगु दु ।