प्रधानमन्त्री खनालयात सुनसरीइ हाकूगु ध्वाँय्

प्रधानमन्त्री झलनाथ खनालयात सुनसरीया इनरुवयाय् थःगु हे पार्टी नेकपा (एमाले)या कार्यकर्तां थौं हाकूगु ध्वाँय् क्यंगु दु । प्रधानमन्त्री खनाल शान्ति व संविधान निर्माणय् केन्द्रीत मजूगु धासें एमाले कार्यकर्ता शारदा निरौलां ध्वाँय् क्यंगु खः । एमाले सुनसरीं याःगु छगू ज्याझ्वलय् ब्वति कायेत इनरुवा थ्यंकादीम्ह खनालयत निरौलां ज्याझ्वः जुयाच्वंगु मञ्चय् हे थ्यंकाः ध्वाँय् क्यंगु खः । उगु घटना जुइवं ध्वाँय् क्यंम्ह निरौलायात प्रहरीं नियन्त्रणय् काःगु ख: ।