बन्दया अवज्ञा यासें पर्यटन व्यवसायीतय् मोटरसाइकल र्याली
Posted on Fri May 13, 2011 4:40 pm NST
आदिवासी जनजाति आन्दोलन राष्ट्रिय मोर्चां थौं याःगु नेपाल बन्दया अवज्ञा यासें पर्यटन व्यवसायीतय्सं येँय् मोटरसाइकल र्याली यात ।
'बन्दयात बन्द या, झीत बन्द मखू संविधान बिउ' धासें व्यवसायीतय्सं ठमेलं उगु र्याली पिथंगु खः । र्याली दरवारमार्ग, रत्नपार्क, भद्रकाली, सुन्धारा, भोटाहिटी जुयाः हानं ठमेलय् वयाः छगू कोणसभा यानाः क्वचायेकूगु खः ।
बन्दकर्तातय्सं लगातार बन्द जुयाः नेपाः वःपिं पर्यटकतय्त नकारात्मक लिच्वः लाइगु धासें उगु बन्दया अवज्ञा याःगु खँ धाःगु दु । इमिसं आः सुनां नं बन्द याःसा थुकथं हे अवज्ञा यायेगु ख्याच्वः नं बिउगु दु ।
बन्दया पूर्वसन्ध्याय् म्हिग नेपाल पर्यटन दँ २०११या सचिवालयं छगू विज्ञप्ति पिथना पर्यटन दँ जुयाच्वंगु इलय् थज्याःगु बन्द मयायेत इनाप यासें बन्द लितकायेत बन्दकर्तातय्त इनाप याःगु खः ।
